Mō tēnei kāinga
He aha a Matapihi?
He matapihi tēnei ki ngā kohinga whakarorohiko a ētahi o ngā whakahaere pupuri taonga o Aotearoa.
He pēhea ngā mahi a Matapihi?
Mā Matapihi nei, ka taea te rapurapu haere i ngā kohinga whakarorohiko a ētahi whakahaere o Aotearoa i te pae tukutuku kotahi. Kia kite koe ko wai mā ngā whakahaere kua whai wāhi mai ki a Matapihi, me titiro ki te whārangi mō ngā whakahaere e whai wāhi mai ana.
Ka whakaatuhia mai ngā kitenga o te rapunga hei maikuku, arā, hei whakaahua iti. Ki te pāwhiri koe i te maikuku, ka puta mai ko tētahi whakaahua nui o te taonga e whai ana koe, i te pae tukutuku o te whakahaere e whai wāhi mai ana nōna te taonga.
Ka kite au i te aha i a Matapihi?
Mō Aotearoa tonu ngā taonga i a Matapihi nei, i mahia rānei ki Aotearoa, i waihangatia rānei e te tangata nō Aotearoa, i puritia rānei ki tētahi kohinga i Aotearoa nei.
Ka whakaatuhia i konei ko ngā mātai matawhenua, ko ngā kōrero tuku iho, ko te taiao, ko ngā tāngata, ko ngā mahi nui hoki.
Ka taea te rapu he whakaahua, he mahi toi, he whakairo, he taonga ahu-3, me ētahi kōnae pūoro, kōnae tuhituhi hoki (he ruarua nei ēnei). Hei ānamata, ka raua mai he whitiāhua ki konei.
He aha ngā Pouaka Whakakite?
Ko ngā pouaka whakakite, he whakaaturanga motuhake mō ētahi kaupapa whāiti i tikina mai ai ngā taonga i ngā kohinga a ngā whakahaere katoa e whai wāhi mai ana ki a Matapihi. Ina ka tohu koe i te Pouaka Whakakite, ka kite koe i tētahi kōwhiringa mō ngā taonga e hāngai ana ki tērā kaupapa.
Ka pēhea tāku whai wāhi atu ki te kaupapa?
Mehemea he kohinga tāu, ā, e hiahia ana koe mā Matapihi tēnei e whakatairanga, tēnā kua hiahia mātau ki te rongo kōrero i a koe. Ka taea ētahi atu pārongo te tirotiro i te whārangi mō ngā whakahaere e whai wāhi mai ana, ka taea rānei te whakapā mai ki a mātau mehemea e pīrangi ana koe ki ētahi atu pārongo mō te kaupapa nei.
