Ko te hunga te whai wāhi mai ana
Archives New Zealand Te Rua Mahara o te Kāwanatanga
Auckland Art Gallery Te Toi o Tāmaki
Auckland War Memorial Museum Tamaki Paenga Hira
Museum of New Zealand Te Papa Tongarewa
New Zealand Electronic Text Centre
The New Zealand Film Archive Ngā Kaitiaki o Ngā Taonga Whitiāhua
Ngā Whare Pukapuka ā-Iwi o ōtautahi
Otago Museum
Puke Ariki
Tāmaki Pātaka Kōrero
Te Puna o Waiwhetu Christchurch Art Gallery
Te Puranga Korero o Wairarapa
Te Tumu Herenga
Te Whare Pukapuka a Alexander Turnbull
Te Whare Wānanga o Otāgo me ngā Uare Taoka o Hākena
Te Whare Pukapuka o te Whare Wānanga o Waitaha
Archives New Zealand Te Rua Mahara o te Kāwanatanga
Ko Archives New Zealand, arā, ko te Rua Mahara o te Kāwanatanga, te kaitiaki kāwanatanga o ngā pūranga tūmatanui o te motu. Kohikohia ai, whakaputua ai, tiakina ai e te Rua Mahara o te Kāwanatanga he momo rauemi tino whānui rawa atu. Kei roto i āna taonga pupuri te tuhinga tuatahi o te Tiriti o Waitangi, he tuhituhinga kāwanatanga, he mahere, he whakaahua peita, he whakaahua tango, he kiriata anō hoki.
Ka taea ngā pārongo whakamārama mō tata ki te toru miriona o ngā kōrero e pupuritia ana e te Rua Mahara o te Kāwanatanga te kite mā roto o Archway, me ngā kōrero hoki mō ngā mahi me ngā rōpū māngai a te kāwanatanga.
I Hōngongoi 2007 i uakina hoki te kohikohinga tuatahi o ngā whakaahua ā-rorohiko. Ko War Art Online tēnei – he nui atu i te 1,400 ngā whakaahua toi nō te kohikohinga ā-motu, arā, te National Collection of War Art.
Ko ngā whakaahua ka whakawāteatia e te Rua Mahara o te Kāwanatanga, mō te whakamahinga tūmataiti noa, mō te ako hoki. E kore koe e āhei te tārua, te hoko, te tohatoha rānei i ēnei whakaahua, otirā me tono koe ki te kaipupuri i te mana tārua hei whakaputa, hei tārua rānei i tētahi o ngā whakaahua.
Contact:
Archives New Zealand Te Rua Mahara o te Kāwanatanga
PO Box 12-050
Wellington
New Zealand
Telephone +64 (0)4 499 5595
Fax +64 (0)4 495 6210
Email communications@archives.govt.nz
Website www.archives.govt.nz
Auckland Art Gallery Te Toi o Tāmaki
Ko te Toi o Tāmaki te tino whakahaere mahi toi i Aotearoa nei, ā, e nuku atu ana tana kohinga i te 12,500 mahi toi, mai i te tau 1376 ki ēnei rangi tonu nei. Kei te kohinga nei, ko
- ētahi tino tauira o te mahi toi o Aotearoa, nō mua, nō nā tata nei, ā, nō nāia tonu nei
- he tino mahi toi nā ngā tohungatā Māori, nā ngā tohungatā hoki o te Moana-nui-a-Kiwa
- he kohinga nō ūropi, arā, he peita, he whakairo, he tānga kōrero hoki.
I te tau 2003, i huakina e te Toi o Tāmaki ko tāna rārangi taonga ā-rorohiko ki te hunga e toro mai ana mā te ipurangi i http://collection.aucklandartgallery.govt.nz. Kei tāna pātengi raraunga ko tētahi kōrero whakamārama mō ngā mahi toi katoa, ā, kua tāruatia ko ētahi whakaahua 10,000 nei ki tōna kāinga ipurangi.
Ka taea ngā Tikanga a te Toi o Tāmaki mō te whakamahi i ngā whakaahua nei te tirotiro i http://collection.aucklandartgallery.govt.nz. Kāore e pai te tārua kau, te tuku, te kape rānei i ngā whakaahua nei kia āta whakaaetia rā anō e te Toi o Tāmaki, atu i ngā mahi rangahau a te tangata māna anō, i te whakaputa whakaaro arotake mō te whakaahua, i ngā mahi mātauranga rānei, i runga anō i ngā āhuatanga o te Ture Manatā o Aotearoa 1994.
Ka taea ngā kōrero mō te tono me te tārua te tirotiro i http://www.aucklandartgallery.govt.nz/services/reproductions/default.asp, mā te ī-mēra rānei ki reproductions@aucklandartgallery.govt.nz.
Contact:
Auckland Art Gallery Te Toi o Tāmaki
PO Box 5449
Auckland
New Zealand
Telephone +64 (0)9 307 7700
Fax +64 (0)9 302 1096
Email gallery@aucklandartgallery.govt.nz
Website http://www.aucklandartgallery.govt.nz
Auckland War Memorial Museum Tamaki Paenga Hira
Ko Tamaki Paenga Hira (arā, te Whare Taonga o Tāmaki-makau-rau) tētahi o ngā whakahaere tuku iho rahi rawa o Aotearoa, kei roto nā tētahi whare pukapuka rangahau tino hira.
Kei ngā kohikohinga o te whare pukapuka o Tamaki Paenga Hira ētahi tānga tuhituhi, tuhituhinga, mahere, pereti tā pukapuka, me ētahi mea rangitahi. He kaha tonu ēnei kohikohinga mō te kōrero nehe me te ahurea tīmata o Aotearoa me Te Moana-nui-a-Kiwa, te hītori ā-taiao noa, me te wāhi o Aotearoa i roto i ngā pakanga o te ao whānui.
He ara tū matanui hoki te whare pukapuka ki te kohikohinga whakaahua tino nui tonu o te whare taonga, me āna whakaahua tango, whakaahua peita, tātuinga, pānuitanga, tuhi mahere hoki o runga atu i te 1.5 miriona.
Ko ngā pāteki raraunga o ngā kohikohinga kua hangaia tae noa ki tēnei rā, kua arotahi ki te hītori ā-taiao, te hītori ā-pāpori, ā-rohe, ā-tauā, te rangahau o te noho ā-iwi, te rangahau mea onamata me ngā toi arowhānui.
E wātea ana ā-ipurangi, rā roto o te whare pukapuka, he nuinga whakaahua e piki haere nei nō ngā kohikohinga whakaahua, nō te whare pukapuka anō i: http://muse.aucklandmuseum.com/databases/general/basicsearch.aspx?dataset=Muscat. Ka taea hoki e koe te kite ā-ipurangi he kōwhiringa o ētahi atu pāteki raraunga o ngā kohikohinga i: http://www.aucklandmuseum.com/59/collection-&-research-databases.
Contact:
Pictorial collection, Auckland War Memorial Museum
PO Box 92018
Auckland
New Zealand
Telephone +64 (09) 309 0443
Fax +64 (09) 379 9956
Email pictorial@aucklandmuseum.com
Website www.aucklandmuseum.com
Museum of New Zealand Te Papa Tongarewa
Ko Te Papa Tongarewa te whare pupuri taonga ā-motu o Aotearoa, he mea whakatū ki runga ki ngā ariā e whai ake nei:
- te whakatōpūtanga o ngā kohikohinga
- ngā whaikōrero mō te ahurea, whaikōrero mō te wāhi
- te ariā o te wānanga
- te mahi ngātahitanga kākano rua o waenga te tangata whenua (Māori) me te tangata tiriti
- he tikanga akoranga maha hei whakarato i tētahi whare pupuri taonga e āhuareka ai ngā momo tāngata maha.
Ko te whāinga o Te Papa Tongarewa ko te tū hei wānanga mō te whenua hei torotoro, hei whakapūmau hoki i te tukunga iho ahurea, te tukunga iho māori hoki o Aotearoa, he mea ahurei.
He mea taketake ki te oranga o Te Papa ngā kohikohinga, otirā e hīpae ana ngā wāhanga matua e rima:
- Te Toi me te Ahurea Ataata
- Te Hītori māori noa
- Ngā Kōrero o Nehe me te Tuku Ihotanga o Aotearoa
- Te Moana-nui-ā-Kiwa
- Ngā Taonga Māori.
Kei Te Papa ētahi kohikohinga māpuna o ngā otaota me ngā kararehe o Aotearoa, o ngā taonga Māori, o ngā taonga anō o Te Moana-nui-ā-Kiwa.
He miriona maha anō ngā taonga kei ngā kohikohinga a Te Papa. He iti noa te wāhi o ēnei pupuritanga ka taea ana te tiki pārongo mōna ā-ipurangi, heoi e tāpiri ana te whare pupuri taonga ki te putunga hōtuku Collections Online i ngā wā katoa ihttp://collections.tepapa.govt.nz.
Contact:
Museum of New Zealand Te Papa Tongarewa
PO Box 467
Wellington
New Zealand
Telephone +64 (0) 4 381 7000
Fax +64 (0) 4 381 7070
Email mail@tepapa.govt.nz
Website www.tepapa.govt.nz
New Zealand Electronic Text Centre
He kohinga kore utu o ngā tuhinga tuku iho o Aotearoa me ngā moutere o te Moana-nui-a-Kiwa tā Te Pokapū Tuhinga ā-Hiko o Aotearoa (www.nzetc.org).
Kei te rahi haere ngā pukapuka, ngā whitiāhua, ngā tuhinga tawhito, ngā papakupu, ngā reta, ngā hautaka o tĒnei kohinga. Ka taea te rapu i te katoa o ngā rauemi mā tĒtahi ara hiko whānui e huaki ana ki te katoa. Ka taea hoki te mātaki, te tango rānei i ngā rauemi ki tāu ake rorohiko.
Ētahi o ngā tūmahi me kī:
- ngā pukapuka e 50 o Te Hītori ōkawa o Aotearoa i te Pakanga Tuarua o te Ao -http://www.nzetc.org/tm/scholarly/tei-corpus-WH2.html
- te kohinga a Tidal Pools o ngā rauemi o Te Moana-nui-a-Kiwa - http://www.nzetc.org/tm/scholarly/tei-corpus-pacific.html
- ngā hautaka mō te tuhituhi a Sport, a Turbine, a Kōtare - http://www.nzetc.org/tm/scholarly/tei-corpus-Sport.html, http://www.nzetc.org/tm/scholarly/tei-corpus-turbine.html, me http://www.nzetc.org/tm/scholarly/tei-corpus-kotare.html.
Kei te kohinga Ētahi rauemi nui, arā:
- Te papakupu wetereo Hāmoa a George Pratt (http://www.nzetc.org/tm/scholarly/tei-PraDict.html)
- Te papakupu whakarite i te reo Māori ki ngā reo o Te Moana-nui-a-Kiwa a Edward Tregear (http://www.nzetc.org/tm/scholarly/tei-TreMaor.html)
- Ko ngā Mōteatea a Hōri Kerei (http://www.nzetc.org/tm/scholarly/tei-GreKong.html), ngā pūrākau a Katherine Mansfield, a Jane Mander, a Bill Pearson.
Kei te pae tukutuku nei ngā tikanga nanao i ngā rauemi nei - http://www.nzetc.org/tm/scholarly/tei-NZETC-About-copyright.html.
Contact:
New Zealand Electronic Text Centre
PO Box 600
Wellington
New Zealand
Telephone +64 4 463 6847
Email director@nzetc.org
The New Zealand Film Archive Ngā Kaitiaki o Ngā Taonga Whitiāhua
E toru ngā mahi nui a Ngā Kaitiaki o ngā Taonga Whitiāhua, te kohi, te manaaki, te whakatairanga i ngā whitiāhua o Aotearoa.
Mai i te tau 1895, tatū ki tēnei rā ngā whitiāhua o tēnei kohinga o Aotearoa - ngā pikitia, ngā motuhenga, ngā pikitia poto, ngā pānui, ngā pikitia i te kāinga (home movies), ngā rerenga kōrero, ngā hōtaka pouaka whakaata. Tāpae atu, kei te puritia ētahi rauemi ā-tuhi pērā i ngā pānui, ngā whakaahua o ngā pikitia (stills), ngā pānui whakatairanga (posters), ngā tuhinga i te wā mahia ai ngā mahi (production records), he taputapu hoki.
He manaaki i ngā kohikohinga te mahi a Ngā Kaitiaki o ngā Taonga Whitiāhua. Mā tēnei tikanga, ka noho te mana o ngā taonga ki te hunga nā rātou ake aua taonga i tuku; ko te manatārua ka noho me te hunga e tika ana. Mō te roanga atu o ngā whakamārama haere ki http://www.filmarchive.org.nz/services/loans.html.
Kei te wātea ngā kohikohinga hei mātakitaki, ki te taiwhanga pāpāho ki Te Whanganui-a-Tara, ki te tari i Tāmaki-makau-rau, ki tētahi pekanga o te pūnaha mātaki kiriata i ngā taiwhanga toi, ngā whare pupuri taonga, ngā whare pukapuka puta i te motu. Mō te roanga atu o ngā whakamārama haere ki: http://www.filmarchive.org.nz/viewing/viewing.html.
Kia taea ai te rārangi o ngā taonga, tirohia a http://filmarchive.org.nz/catalogue/simplesearch.htm.
Contact:
Diane Pivac
Web Projects Developer
Ngā Kaitiaki o Ngā Taonga Whitiāhua
The New Zealand Film Archive
84 Taranaki Street
PO Box 11-449
Wellington
New Zealand
Telephone +64 (0)4 384 7647
Fax +64 (0)4 382 9595
Email info@nzfa.org.nz
Website http://www.filmarchive.org.nz
Ngā Whare Pukapuka ā-Iwi o ōtautahi
Ko ngā Whare Pukapuka ā-Iwi o ōtautahi te tuarua o ngā pūnaha whare pukapuka i Aotearoa nei, arā, mō te nui o ngā whakahaere. Tērā ōna whare pukapuka tekau mā toru nei, he whare pukapuka hāereere, he whare pukapuka ā-rorohiko hoki. Ka whakarato hoki i ana tāngata e 317,000 te tokomaha ki ētahi ratonga mā te waea, mā te waea whakaahua, ma te ī-mēra, mā te ipurangi hoki.
He kohinga whakaahua tawhito tāna, ka taea te tirotiro i te ipurangi i. He whakaahua kōwhiri ēnei e whakaatu ana i ngā tāngata o tēnei takiwā, i ngā kāinga, i ngā mahi nunui hoki i waenga i ngā tau 1860-1975, ā, kua tāruatia mai i ngā nūpepa, i ngā pūranga kōrero, i ngā pukapuka tawhito me ngā pūrongo rangahau hoki.
He wāhanga ngā whakaahua kōwhiri i te kohinga e purihia nei ki te Pokapū mō Aotearoa. He rauemi rangahau, taonga tuku iho tēnei e pupuri nei i ngā kōrero me ngā whakaahua mō Aotearoa i roto i ngā tau, heoi anō te hāngai o te aronga ki ōtautahi me Waitaha whānui. Ko ngā momo rauemi i konei, he whakapapa, he nūpepa, he pūranga kōrero, he whakaahua, me ētahi atu momo kōrero.
Contact:
Christchurch City Libraries
PO Box 1466
Christchurch
New Zealand
Telephone +64 (0)3 941 7923
Fax +64 (0)3 941 7848
Email library@ccc.govt.nz
Website http://library.christchurch.org.nz
He mea whakatuwhera te Whare Pupuri Taonga o Ōtākou i te tau 1868. He whare whakahirahira tēnei mŌ ngā kŌrero nehe me ngā mahi pūtaiao, ā, ka purihia he kohinga, ka whakaatuhia hoki he whakakitenga e mŌhiotia ana e te ao whānui, tae atu ki:
- Ngā pūtaiao taiao: ko te mātauranga huaota, ko ngā hātaretare tuawhenua (arā, ko ngā pūngāwerewere me ngā ngārara o Aotearoa), ko te mātauranga koiora moana, ko ngā manu, ko ngā kararehe whakangote, ko te tātai aro whenua, ko te mātai roke kanae hoki.
- Te mātauranga taha tangata: ko te mātauranga tikanga Māori, tikanga Moana-nui-a-Kiwa hoki, ko te mātauranga momo tangata o ētahi iwi kē, ko ngā kŌrero onamata, ko ngā taonga kikokiko mai i te ao tawhito me ngā whenua o āhia.
- Ngā toi whakanikoniko: ko ngā matapaia o te ao, ko ngā kŌata, ko ngā kakahu me ngā kaka.
- Ngā hangarau me ngā kŌrero nehe o Aotearoa: ko ngā kŌrero nehe mŌ te rere moana, ko ngā moni ukauka, ko ngā mētara, ko ngā pū, ko ngā pane kīngi, pane kuini hoki, ko ngā whakaahua nehe anŌ hoki.
Ka taea te tono he tānga, he kape ā-rorohiko hoki o ngā whakaahua kei te Whare Pupuri Taonga o Ōtākou mā te whakapā mai me te nama rēhita o te whakaahua. Ka taea hoki tētahi rārangi o ngā here manatārua, o ngā utu tārua te tiki atu. Kāore e whakaaehia te tārua whakaahua ki te kore he whakaaetanga ā-tuhi.
Contact:
Otago Museum
419 Great King Street
PO Box 6202
Dunedin
Telephone +64 (0)3 474 4743
Fax +64 (0)3 477 5993
Email mail@otagomuseum.govt.nz
Website http://www.otagomuseum.govt.nz
I whakatūwherangia a Puke Ariki i te tau 2003 hei whare taonga, whare pukapuka, whare tuku kōrero. I te tūnga o Puke Ariki ka tūhonohono te Whare Taonga o Taranaki ō mua me te Whare Pukapuka o Ngāmotu me ōna rohe.
Ka tiaki a Pukeariki i ōna kohinga taonga whakahirahira o te rohe, otirā o ngā iwi o Taranaki, koia, ko ngā taonga whakairo, taonga kōrero, taonga tuhituhi, me ngā taonga whakaahua anō hoki. Ā, e ngaki tonu ana ōna kaimahi i tōna pātengi raraunga, e tāea ai e te hunga whai rorohiko te torotoro i ēnei taonga.
Ka kitea ngā tikanga whakahaere ki te whakamahi i ēnei taonga i runga i a www.pukeariki.com/en/resources/collections.htm. Ka mea atu ēnei tikanga o Puke Ariki kia kaua e tāruatia, e tuku poka noa rānei, e whakamahia rānei ēnei taonga mō tētehi take atu i te rangahau, i te tirotiro mōu ake, i te hanga akoranga, i runga i ngā tikanga e takoto nei ki te Ture Manatā o Aotearoa 1994.
Nē i hiahia ana koe ki te tono i tētehi tāruatanga mai i ēnei taonga, me whakapā atu ki a images@pukeariki.com.
Contact:
Puke Ariki
Te Kaunihera-ā-Rohe o Ngāmotu
Pouaka Motuhake 2025
Ngāmotu
Aotearoa
Waea +64 (0)6 759 6060
Waea Whakaahua +64 (0)6 759 6072
I-mēra images@pukeariki.com
Pae Tukutuku http://www.pukeariki.com
Kei te Kohinga Whakaahua o Tāmaki Pātaka Kōrero ko ētahi whakaahua 250,000, nuku atu, o Aotearoa (kei te tino hāngai ki te takiwā o Tāmaki) mai i te tekau tau atu i 1840 ki te tekau tau atu i 1990. Ka taea ngā whakaahua nei te tirotiro i ngā Kohinga Motuhake i te Whare Pukapuka Matua o Tāmaki.
Kei te nui haere ngā kohinga ka taea te tirotiro i te ipurangi i Heritage Images Online, kei te rite tonu te whakahounga ake, ā, e nuku atu ana i te 12,000 ngā whakaahua i konā. Ko ētahi kohinga e toru e tino whaitake ana, ko:
- ngā whakaahua a Henry Winkelmann mō te puku o Tāmaki, mai i ngā tau tuatahi o te rautau rua tekau
- ētahi whakaahua tangata nā Clifton Firth mai i te tau 1940 ki te 1980s
- ngā whakaahua tangata a Hermann Schmidt mō ngā hōia i te Pakanga Tuatahi o te Ao.
E whakaaetia ana te tārua i ngā whakaahua mō ngā rangahau a te tangata māna tonu. Me āta whakaae rā anō a Tāmaki Pātaka Kōrero i mua i te tāruatanga i tētahi whakaahua kia tāia ki te pukapuka, kia whakaaturia rānei ki tētahi whakakitenga.
Tērā anō ētahi atu kōrero mō ngā tikanga whakamahi ka taea te tirotiro i www.aucklandcity.govt.nz/dbtw-wpd/heritageimages/conditionsofuse.html
Contact:
Special Collections
Auckland City Libraries
PO Box 4138
Auckland City
New Zealand
Telephone +64 (0)9 307 7758
Fax +64 (0)9 307 7741
Email library_photos@aucklandcity.govt.nz
Website http://www.aucklandcitylibraries.com
Te Puna o Waiwhetu Christchurch Art Gallery
I te tau 2003 ka whakatuwheratia Te Puna o Waiwhetu. Ko ia te whare whakaatu taonga toi o ōtautahi. Nāna i piki te tūranga o te Whare Taonga Toi o Robert McDougall i whakatuwheratia i te tau 1932. Tēnei te whare whakaatu taonga toi tino nui rawa i Te Waipounamu, ā, kei a ia tētahi kohikohinga tino hira tonu o ngā toi o Aotearoa me te āo whānui.
Kāore e taea te pūrua, te tuku ā-waea, te tārua rānei i ngā whakaahua kua whakatakotoria i konei ki te kāhore te whakaaetanga a Te Puna o Waiwhetu me te kaipupuri i te mana tārua, engari ia ko te ako tūmataiti me te rangahau te take, ko te wānanga, ko te arotake rānei i raro i te tikanga o te Ture Mana Tārua, 1994.
Ko ngā pārongo mō te tono me te tārua i ngā whakaahua, tae atu ki te puka tono ā-ipurangi, ka kitea i http://www.christchurchartgallery.org.nz/Collection/Reproductions/.
Contact:
Librarian
Christchurch Art Gallery Te Puna o Waiwhetu
Cnr Worcester Boulevard and Montreal Street
PO Box 2626
Christchurch 8140
New Zealand
Telephone +64 (0)3 941 7300
Fax +64 (0)3 941 7301
Email art.gallery@ccc.govt.nz
Website http://www.christchurchartgallery.org.nz/
Ko te Wairarapa Archive ka whakatūria i te 1989 hei puranga mō te hapori, he mea whakahaere e te Wharepukapuka ā-Rohe o Whakaoriori. Ki tēnei wā he puranga kaporeihana mō te Kaunihera ā-Rohe, he kaitiaki hoki i tētahi kohikohinga nui o ngā pūrongo me ngā pepa o te iwi me ngā rōpū o Wairarapa.
Kei reira hoki e purutia ana tētahi kohikohinga rahi o ētahi whakaahua e pā ana ki te rohe o te Wairarapa, ā, kei te wātea ētahi mā te kohikohinga Picture Wairarapa.
Kei ngā whakaritenga o te Wairarapa Archive ngā whakamārama mō te whakamahinga o ngā tuemi o tēnei pae tukutuku. Hāunga ngā take rangahau tūmataiti; te arohae rānei; ngā kaupapa whakaako rānei mai i te New Zealand Copyright Act 1994, kāore i te whakaaetia te tā anō, te tuku, te kape hoki. Mō te hoko, te tā anō rānei i ngā whakaahua o te kohikohinga Wairarapa Archives, ī-mēra mai ki archives@library.mstn.govt.nz. archives@library.mstn.govt.nz.
Contact:
Gareth Winter
Archivist
79 Queen Street
PO Box 444
Masterton
Telephone +64 (06) 370-6311
Fax +64 (06) 377-1195
Email archives@library.mstn.govt.nz
Website http://archives.mstn.govt.nz
Ko te Tumu Herenga te pūnaha tiaki pukapuka tino nui o ngā whare wānanga o Aotearoa.
Ko te tomokanga ā-rorohiko o te Tumu Herenga, LEARN (Library Electronic Academic Resources Network), te whakatuwhera nei i te huarahi ki tētahi kohikohinga tino pai rawa atu o ngā mātāpuna me ngā ratonga ā-rorohiko, e 24 hāora ia rā, i ngā rā e whitu o te wiki.
Mai o te tau 2001 kua hanga haere nei te Tumu Herenga i ōna ake kohikohinga ā-mati o ngā tuhituhinga, whakaahua, rongorau anō hoki. Kei roto i ēnei kohikohinga ngā rauemi tuku iho tino hira tonu e pā ana ki Aotearoa, ki Te Moana-nui-a-Kiwa hoki. E wātea ana te nuinga ki te iwi whānui.
Kei roto i ngā kohikohinga ā-mati e wātea ana rā te Matapihi ko:
- Anthropology Photographic Archive
- Architecture Archive.
Kāore e taea ngā rauemi o ngā kohikohinga ā-mati a te Tumu Herenga te tukurua, te tuku atu, te tārua rānei ki te kāhore he whakaaetanga, hāunga ia mō ngā take pēnei i te ako me te rangahau tūmataiti, te whakahēnga me te tirotiro anō, te mātauranga rānei, i runga i te Ture Manatā o Aotearoa 1994.
Contact:
Digital Services (Digital Projects)
The University of Auckland Library
Private Bag 92019
Mail Centre 1142
Auckland
New Zealand
Telephone +64 (0)9 373 7599 xtn 83984
Email Digitalprojects@lbr.auckland.ac.nz
Website www.library.auckland.ac.nz
Te Whare Pukapuka a Alexander Turnbull
He wāhanga te Whare Pukapuka a Alexander Turnbull nō te Puna Mātauranga o Aotearoa, ā, koia kei te pupuri i tētahi o ngā tino kohinga kōrero o Aotearoa, arā, he pukapuka, he tuhinga ā-ringa, he pūoro, he mahere, he hopunga reo, he puka rangitahi, he whakaahua, he pakiwaituhi, he mahi toi hoki.
Ka arohia i ngā kohinga whakaahua ko ngā kōrero tuku iho mō te hapori me te taiao o Aotearoa, o te Moana-nui-a-Kiwa, o te Tiri-o-te-moana-ki-te-tonga hoki, mai i te wā i tae tuatahi mai ai te Pākehā ki ēnei takiwā, tae noa mai ki ēnei rāngi nei. Tērā ētahi whakaahua e 25,000+, nuku atu, ka taea te tirotiro i Timeframes me ngā kōrero whakamārama anō hoki. Torohia mai te Kohinga Taonga, ko te ratonga ā-rorohiko a te Puna Mātauranga o Aotearoa ka tautoko nei i te marautanga mō ngā toi i ngā kura, ka whakaatu hoki he whakaahua 2000, nuku atu, me ētahi rauemi pūoro, whitiāhua hoki.
Tērā hoki ētahi taonga i Timeframes e whai mana ana ki te Māori me ngā iwi hoki o Aotearoa. He taonga ēnei e pupuri ana i te mana o ō rātau iwi, ahakoa pēhea nei te huarahi whakaatu.
He kōrero anō i Timeframes nei mō ngā āhuatanga o te manatā me te tono tārua hoki, ā, e āhei ana koe ki te tuku mai he pātai mā te rorohiko.
Contact:
Alexander Turnbull Library
National Library of New Zealand
PO Box 12 349
Wellington
New Zealand
Telephone +64 (0)4 474 3113
Fax +64 (0)4 474 3063
Email atl@natlib.govt.nz
Website http://www.natlib.govt.nz
Te Whare Wānanga o Otāgo me ngā Uare Taoka o Hākena
Tāpaetia ā-ipurangitia ai e te whare pukapuka o te Whare Wānanga o Otāgo he kohikohinga o ngā rauemi katoa kei roto o te pūnaha o te whare pukapuka, tae atu ki ngā kohikohinga Hocken Pictorial Collections me ētahi kohikohinga motuhake. Ka tupu haere a http://digital.otago.ac.nz kia whakauruhia hoki ētahi atu taonga ahurei, puiaki hoki nō roto o te pūnaha o te whare pukapuka.
E kohikohi whānuitia ana e te whare pukapuka Hocken nō ngā mea e pā ana ki te kōrero nehe me te ahurea o Aotearoa, nō Te Moana-nui-a-Kiwa, nō Te Tiri o te Moana ki te Tonga anō hoki, ko tōna tino arotahi ko ngā rohe o Otākau me Murihiku. Tīmata mai ai ēnei kohikohinga i te rautau tekau mā whitu, ā, tae noa mai ki ēnei rā.
He maha tonu ngā kohikohinga e takoto ana i a Special Collections, tae atu ki te kohikohinga De Beer, arā, te takotoranga matua o ngā rauemi nō mua atu o te tau 1800; me te kohikohinga Shoults kei ōna mea kaha he hītori o ūropi, te rangahau whakapono, he tuhituhinga Kariki, Rōmana hoki, he tikinare, he pukapuka mahere whenua, he pukapuka whakamārama, me ētahi tauira pai ītonu nā ngā kaitā o mua.
Hei kite i ngā kohikohinga ā-rorohiko haere ki: http://digital.otago.ac.nz
Contact:
University of Otago Library
PO Box 56
Dunedin
New Zealand
Telephone +64 (0)3 479 4002
Fax +64 (0)4 474 3063
Email digital.collections@otago.ac.nz
Website http://digital.otago.ac.nz
Te Whare Pukapuka o te Whare Wānanga o Waitaha
He kohikohinga hira tonu tā te Whare Pukapuka o te Whare Wānanga o Waitaha (University of Canterbury Library), o ngā rauemi pūūranga ahurei, tae ki ngā whakaahua neke atu i te 20,000, e takoto ana, e whakahaeretia ana hoki i te Whare Pukapuka o Macmillan (Macmillan Brown Library).
E kohikohi whānui ana te Whare Pukapuka o Macmillan (Macmillan Brown Library) i te wāhi o te ahurea me te hītori o Niu Tīreni me te Moana-nui-a-Kiwa, otirā e whakaatatia ana tēnei arotahi i roto i tēnei kohikohinga whakaahua. He nui te wāhi ki Otautahi, ki Waitaha, ki te Tai Poutini anō hoki, engari kei roto anō he whakaahua o ngā tāngata me ngā wāhi kē o Niu Tīreni me ngā Moutere o te Moana-nui-a-Kiwa.
Kua tīmata e te Whare Wānanga (University) te whakamati i āna kohikohinga ahurei, ko tōna whāinga ko te whakatakoto kia taea e te ao katoa. Ka taea ngā whakaahua hītori me ērā atu rauemi manomano noa te tirohia ā-ipurangitia rā ngā whārangi mātāpono o te Whare Pukapuka (Library).
Ka whakaaetia ngā whakaahua mō te rangahau tūūmataiti, mō te ako rānei. Ko ētahi whakamahinga kētanga ka hiahia ki te whakaaetanga o te whare pukapuka. Kei te paetukutuku o Ngā Kohikohinga o te Whare Pukapuka o Macmillan Brown (Macmillan Brown Library Special Collections) ngā pārongo mō te mana tārua, te whakamahinga i ngā whakaahua, te tononga tāruatanga, me ngā tikanga whakapā.
Contact:
Macmillan Brown Library
University of Canterbury
Private Bag 4800
Christchurch 8140
New Zealand
Telephone +64 03 364 2753
Email macbrown@libr.canterbury.ac.nz
Website http://library.canterbury.ac.nz/mb/
